Warar dheeraad ah ayaa kasoo baxaya dagaal culus oo xalay duleedka magaalada Muqdisho ku dhaxmaray ciidamada Xarakada Al Shabaab iyo maleeshiyaad katirsan DF-ka oo ay taageerayaan ciidamada AMISOM.
Dagaalka oo muddo saacada ah socday ayaa ku faafay dhowr xaafadood oo katirsan magaalada Afgooye oo qiyaastii 30Km dhanka galbeed uga beegan magaalada Caasimadda ah.
Ciidamada Al Shabaab ayay usuurtagashay in ay qabsadaan inta badan xaafadaha muhiimka ah ee magaalada iyo xarumuhaha maamulka, ilo wareedyo ayaa sheegay in dagaalkii xalay uu ku dhintay wiil uu dhalay wasiiru Dowlaha wasaaradda madaxtooyada ahaana sarkaal dagaal geliye ah.
War rasmi ah oo kasoo baxay Xarakada Mujaahidiinta Al Shabaab ayaa lagu sheegay in ciidamadoodu ay dagaalkii xalay ku dileen 8 askari ayna ku dhaawaceen 13 kale.
“Dagaalkii xalay ka dhacay Afgooye Mujaahidiintu waxay ku dileen 8 askari oo murtadiinta katirsan 13 kalana waa ku dhaawacmeen halka sedax baabuur ay ku gubeen, allaah fadligiis mujaahidiintu waxay soo qaniimeysteen 6 qori iyo saanado hub ah” ayaa lagu yiri war lagasii daayay Idaacadda Andalus.
Wararkii ugu dambeeyay ayaa sheegaya in ciidamada dowladda ay dib ugu laabteen magaalada Afgooye kadib markii xoogaga Al Shabaab ay saaka aroortii ay dib uga gurteen degmada.
Dagaalkan umuuqda mid lagu oof wareemay Melleteriga dowladda Federaalka oo isbuucii lasoo dhaa
