Qaraxan oo ahaa mid aad u xoogan waxa uu ka dhacay inta u dhexeysa deegaanada Jaziira iyo Dhanaane ee duleedka magaalada Muqdisho,waxaana lagu soo waramayaa in cadowga uu gaarsiiyey khasaare xoogan oo isugu jira dhimasho iyo dhaawac.
Qaraxa ayey ciidamada Mujaahidiinta la beegsadeen gaari nooca Jeemiska ah kaasi oo ay la socdeen maleeshiyaat ka tirsan Kooxda Ridada Somalia,dhawaaqa qaraxa ayaa si aad ah looga maqlay qeybo badan oo ka mid ah gudaha iyo duleedka magaalada Muqdisho.
Gaariga Jeemiska ah ee qaraxa uu haleelay ayaa gabi ahaan goobta ku burburay,waxaana inta la xaqiijiyay qaraxa lagu dilay ugu yaraan Sideed askari oo Murtadiinta ka tirsan, halka sidoo kalena lagu dhaawacay lix kale.
Saraakiil ka tirsan Mujaahidiinta ayaa Idaacadda Islaamiga Andalus u sheegay in qaar ka mid ah dhaawacyada maleeshiyaatka ay yihiin kuwa halis ah, halka sidoo kalena uu gaariga Jeemiska ah bool bool u kala faniinay.
Qaraxan ayaa kusoo aadaya xilli ciidamada Mujaahidiinta ay sii kordhiyeen weerarada ka dhanka ah Kufaarta Afrikaanta iyo maleeshiyaatka Murtadiinta ee ay ka fulinayaan gudaha iyo duleedka magaalada Muqdisho.
Saacadihii lasoo dhaafay ayeey aheed markii mid ka mid ah qaraxyo ka dhacay wadada Makka Al-mukaramah ee magaalada Muqdisho lagu dilay sarkaal ka tirsanaay maamulka Kooxda Ridada ee garoonka diyaaradaha Muqdisho kaasi oo lala dilay Labo askari oo la socotay,sidoo kale qeybo ka mid ah degmada Hodan waxey ciidamada Mujaahidiinta ku dileen askari ka tirsan Murtadiinta kaasi oo ay ka Ganiimeysteen Qorigii uu ku hubeysnaay.
Xigasho Idaacadda Islaamiga Andalus.
Calamada.com
