Sheekh C/Casiis Abuu Muscab, Afhayeenka ciidamada Xarakada Mujaahidiinta Al-Shabaab ayaa ka warbixiyey weerarkii Istish-haadiga ahaa ee maanta lagu beegsaday saraakiil ka tirsan midowga Yurub, iyo howlgalo kala duwan oo ay Mujaahidiintu ka fuliyeen qaar ka mid ah gobolada dalka.
Ugu horreyn Afhayeenka ayaa ka hadlay weerarkii istish-haadiga ee duhurnimadii maanta ka dhacay agagaarka Kuliyada, kaas oo lala eegtay kolonyo ay la socdeen saraakiil iyo tababareyaal ka tirsan midowga Yurub.
Wuxuu sheegay in weerarka ay ku dileen 4 sarkaal oo u dhashay dalka Talyaaniga kuwaas oo uu sheegay in taageeraan ciidamada ‘AMISOM’ iyo maleeshiyaatka soomaalida.
wuxuu sheegay in qaraxa uu burburiyay gaadiidkii ay saarnaayeen saraakiisha, islamarkaana ay soo gaartay waxyeelo xoogan.
Sheykh Abuu Muscab ayaa ku goodiyey in Xarakada Mujaahidiinta Al-Shabaab ay sii wadi doonto weerarada ay ku beegsadaan ciidamada soo duulay ee ku sugan wadanka.
Abuu Muscab ayaa sidoo kale ka hadlay weerar ballaaran oo ciidanka Mujaahidiinta ay ku qabsadeen deegaanka Goofgaduud ee dhaca duleedka Baydhabo iyo weeraro dhabagal ah oo maalintii 3aad ka socda duleedka Baladweyne, halkaas oo ku safrayaan ciidamo huwan oo isugu jira Itoobiyaan, Jabuutiyaan iyo maleeshiyaat Soomaali ah.
Halkan Ka Dhageyso Shirka Jaraa’id Ee Sheekh Abuu Muscab.
Calamada.com
