Wararka ka imaanaya dalka Afghanistan waxey sheegayaan in gudaha dalkaasi uu ka dhacay dagaal culus kaasi oo faahfaahin laga helayo khasaaraha ka dhashay.
Ciidamada Mujaahidiinta Imaarada Islaamiga Afghanistan ayaa dagaal culus ku qaaday saldhigyada iyo difaacyada maleeshiyaatka Xukuumada daba dhilifka Kaabul ay ka sameysteen degmada Sayid Abaad ee Wilaayada Meydan Work ee Bartamaha dalkaasi.
Dagaalkan oo la isku adeegsaday hubka noocyadiisa kala duwan ayeey ugu dambeyntii ciidamada Mujaahidiinta Dhaalibaan kula wareegeen inta badan saldhigyadii iyo xarumihii maamulka Ridada Kaabul ugu magacaaban degmadaasi.
Xarumaha ciidamada Mujaahidiinta Dhaalibaan dagaalka kula wareegeen waxaa ka mid ah xaruntii maamulka degmada,saldhiga ciidanka Booliska degmada iyo xaruntii Sirdoonka ee degmadaasi.
Bayaan uu soo saaray Afhayeenka Imaarada Islaamiga Afghanistan Sheekh Dabiixullaahi Mujaahid ayuu ku xaqiijiyay in saraakiil iyo askar fara badan oo ka tirsan Xukuumadda Ridada Kaabul lagu dilay dagaalka kuwaasi oo Soddon Iyo Shan ka mid ah Meydadkooda ay daadsanyihiin goobta Lagu dagaalamay.
Sidoo kale Sheekh Dabiixullaahi ayaa bayaanka ku xusay in saraakiisha maamulka gaala raaca Kaabul looga dilay ay ka mid yihiin Taliyihii dhanka Amniga degmada iyo Madaxii dambi baarista Maamulka degmada Sayid Abaad ee Bartamaha dalka Afghanistan.
Ciidamada Mujaahidiinta Dhaalibaan ayaa dagaalkan ku qabsaday Kow iyo Toban gaari oo ka kooban nuucyada kala duwan ee gaadiidka kala duwan,waxeyna sidoo kale gacanta ku dhigeen Guud ahaan Keydkii hubka ee degmadaasi.
Dagaalkan khasaaraha culus lagu gaarsiiyay Murtadiinta Afghanistan ee ka dhacay bartamaha dalkaasi ayaa qeyb ka ah howlgal dagaaleedka Al-Khandaq ee ciidamada Mujaahidiinta Imaarada Islaamiga Afghanistan sida tooska ah kaga wadaan Soddon iyo Afarta Wilaayo ee uu ka koobanyahay dalka Afghanistan.
