Jugta qarax xooggan ayaa maanta duhurkii laga maqlay wadada muhiimka ah Makka Al Mukarrama ee magaalada Muqdisho.
Goob joogayaal ayaa sheegay in qaraxu uu haleelay gaari nuuca Soomaalidu utaqaan qooqanta oo uu lahaa mid kamida xildhibaannada ugu caansan Baarlamaanka dowladda Federaalka Soomaaliya.
Qaraxa oo loo maleynayo in uu ka dhashay walxaha qarxa oo gaariga ku xirnaa ayaa sababay in ay dhaawacmaan laba qof oo kala ahaa darawalkii gaariga iyo askari ilaala u ahaa Xildhibaan Daahir Amiin Jeesoow oo ah milkiilaha gaariga.
Xildhibaan Jeesoow oo warbaahinta lahadlay ayaa xaqiijiyay in uu ka badbaaday isku day dil oo lala damacsanaa wuxu sheegay in qaraxu uu dhacay daqiiqado yar kadib markii uu ka degay gaariga.
Jeexoow ayaa sanado ka hor Baarlamaankii dowladdii hore usoo jeediyay in ay meel mariyaan xeer dhigaya in raggu ragga guursan karo arrinkaas oo dood kulul ka dhax dhaliyay dowladdii Xasan Sheekh madaxda ka ahaa.
