Guddoomiyaha baarlamaanka Dowladda Federaalka Max’med Mursal ayaa ku dhawaaqay in uu qabtay mooshin ka dhan ah Hoggaanka Villa Somalia kadib khilaaf muddo soo jiitamayay.
Kulan albaabadu u xiranyihiin oo ka dhacay Villa Hargeysa ayaa lagu iclaamiyay in uu buuxsamay mooshinka ladoonayo in xilka looga qaado Max’med Cabdullaahi Farmaajo.
Ilo wareedyo ayaa sheegaya in mooshinka ay ku saxiixanyihiin 92 xildhibaan kuwaas oo Farmaajo ku eedeeyay khiyaano qaran iyo in uu heshiis mugdi gelinaya madax banaanida dalka uu la saxiixday dowladaha Itoobiya iyo Eretreia.
Sawirro lagasoo qaaday goobta kulanka ayaa muujinayay guddoomiyaha baarlamaanka oo lafadhiyo xildhibaannada mooshinka waday iyo warqaddii mooshinka lagu aqbalay oo shabadeysan.
Xildhibaannada Mooshinka gudbiyay ayaa ku doodaya in Farmaajo uu si xun uga faa’iideystay maamulka uu hayo islamarkaana uu dagaal beeleedyo ka huriyay gobollada dalka.
Tallaabadan ayaa banaanka soo dhigeysa iyo heerka uu gaaray khilaafkii mudada sanadka ah soo jiitamayay ee ka dhax aloosneed hoggaanka dowladda Federaalka waxaana muuqata iyo guddoomiyaha Baarlamaanka uu lasaftay dhanka xildhibaannada mucaaradka ah islamarkaana uu ka dhan yahay isbaheysiga Kheyre iyo Farmaajo.
