Wadanka dhaca qaaradda Africa ee lagu magacaabo Jamhuuriyadda dimuqraadiga Congo waxaa lagu dilay ugu yaraan 4 ruux, oo ay ku jiraan ciidamo iyo shaqaale katirsan dowladda.
Maamulaha ol-olaha doorashada ee xisbiga mucaaradka ayaa wakaaladda Faransiiska wuxuu u xaqiijiyay in ugu yaraan afar ruux oo ay ku jiraan askari katirsan Police-ka iyo mid kamid ah kormeerayaasha cod bixinta lagu dilay magaallo ku taalla bariga wadanka Jamhuuriyadda Congo.
Maamulahan la hadlay warbaahinta ayaa ku eedayay ninka xubinta ka ahaa kormeerayaasaha doorashada inuu isku dayay isdaba marin muuqata oo saameyn ku yeelan karta natiijada doorashooyinka.
“ Waan ka xunnahay, waxay dadku dileen askari katirsan Police-ka, iyo mid kamid ah shaqaalaha dowladda, ciidamaduna waxay dileen labo ruux oo shacab ah” ayuu yiri Vital oo ah musharraca mucaaradka ee u tartamaya xilka madaxtinimada wadanka Congo.
Inta badan wadamada Africa waxaa ka jira maamullo musuq maasuqa caan ku ah, waana qaaradda ugu badan ee ay ka jiraan madaxda kaligii talisyaasha ah ee aan dooneynin iney ka degaan kursiga madaxtinimada.
