Wararka ka imaanaya koonfur Bari wadankaas ayaa sheegaya in weerar aad u qorshaysan lagu dilay 27 askari oo katirsan ciidamada rawaafidda.
Bayaan kasoo baxay taliska ugu sarreeya ciidamada loogu yeero ilaalada kacaanka ayaa lagu sheegay in gaari walxaha qarxa lagasoo buuxiyay oo uu kaxaynayay dagaalyahan istish-haadi ah lala beegsaday gaari bas ah oo ay la socdeen ciidamada shiicada.
Weerarkan wuxuu ka dhacay wadada xiriirisa magaalooyinka Zaahadaan iyo khaayish oo dhammaantood dhaca koonfur bari wadanka iiraan waana deeganno ku dhow xuduud beenaadka ay iiraan la wadaagto Pakistaan.
Wakaaladda wararka u faafisa xukuumadda Dahraan ayaa xaqiijisay in weerar dhiig badan ku daatay lagu qaaday ciidamada meleteriga halka tobaneeyo kale ay isla weerarka ku dhaawacmeen.
Bayaan kasoo baxay jamaacada sunniga ah ee Jeyshul cadli ayay ku sheegatay mas’uuliyadda weerarka, war kooban oo jamaacadani ay ku faafisay baraha internetka ayay ku sheegtay in qarax ay ku adeegsatay weerarka balse faah faahin dheeri ah kama bixin.
Dhowr mar ayay jamaacadan islaamiga ah weeraro ugu beegsatay ciidamada dowladda shiicada iiraan ee xoogga ku heysata dhulalka muslimiinta sunniga ah sida gobollada Axwaaz,Bolojistaan iyo deegaanno kale, bishii lasoo dhaafay weeraro abaabulan ayuu Jeyshul cadli ku beegsaday ciidamada dowldda safawiga Dahraan
