Warbaahinta Maxalliga ah iyo midda Caalamiga ah ayaa baahisay in uu geeriyooday Jeneraal sare oo ka tirsanaa Melleteriga Itoobiya kuna lug lahaa hagardaamada ay Xabashidu umaleegtay Muslimiinta ku dhaqan Geeska Qaaradda Afrika.
Jeneraal Abraha Woldemariam oo kamid ahaa saraakiishii ugu saraysay Maamulkii Tigreega ayaa caan ku ahaa Xasuuqidda Dadka Soomaaliyeed ee ku dhaqan Dhulka Somali Galbeed ee Itoobiya ay xooga ku heysata.
Sidoo kale Sarkaalkan baqtiyay ayaa Xasuuq ba’an u geystay Dadka Oromada ah xiligii uu ahaa taliyaha ciidanka Milatariga ee Bariga Hararge.
Gaal Abraha ayaa xanuunka Kansarka oo kaga dhacay Sanbabada waxa uuna ku dhintay Isbitaal ku yaal wadanka Thailand ee Qaaradda Asia.
Isbuucii lasoo dhaafay ayaa bartamaha magaalada Addis Ababa lagu dilay Jeneraal Mykonin Syari oo ahaa taliyihii ugu sarreeyay ciidamada Itoobiya, sidoo kale waxaa isbuucii lasoo dhaafay gobolka Amhara lagu dilay Jeneraal Asaminew Tsige oo ahaa sarkaalkii hoggaaminayay Inqilaabkii dhicisoobay.
Itoobiya ayaa maraysa marxalad halis ah waxaana madaxa iskula jira qowmiyadaha kala diimaha ee wadanka halka Jeneraalladii lasoo shaqeeyay Males Zenaawi ay shirqoollo umaleegayaan Abiy Axmed R/wasaaraha xukuumadda Itoobiya kaas oo tan iyo markii uu xilka qabtay lasoo shir tagay isbedello oo ku sheegayo in uu ku dhisayo Itoobiyada cusub.
