Warar dheeraad ah ayaa kasoo baxaya weearo isugu jira dhabagal iyo qaraxyo saacadihii lasoo dhaafay xoogaga Al Shabaab ka kala fuliyeen galbeedka magaalada Beledweyne iyo sidoo kale gudaha iyo duleedka magaalada Muqdisho.
Weerar dhabbagal ah oo maanta barqadii ka dhacay deegaan lagu magacaabo Jaabiroow oo dhanka galbeed Beled Weyne uga beegan ayaa sababay dhimashada hal askari iyo dhaawac soo gaaray sedax kale.
Ilo wareedyo ayaa sheegaya in xoogaga Al Shabaab ay wadada ugaleen ciidamo katirsanaa maamulka isku magacaabay Hirshabelle, wararkii ugu dambeeyay ayaa sheegaya in xaaladu degantahay waxaana deegaankii lagu dagaallamay ku sugan xoogaga Al Shabaab.
Dhanka kale guutooyinka madaafiicda ee Xarakada Mujaahidiinta Al-Shabaab ayaa duqeyn xoogan ku garaacay saldhiga ciidamada Jabuuti ay ku leeyihiin degmada Jalalaqsi ee gobolka Hiiraan.
Dhowr baalooto oo ka dhacda qoriga hoobiyaha ayaa lagu asqeeyey saldhiga ciidamada Jabuuti, halkaas oo ay deganyihiin boqollaal askari oo katirsan ciidamada Jabuuti, Shisheeyahana ku garab siinaya duulaanka uu kusoo qaaday Soomaaliya.
Waxaa lagu soo waramayaa in waxyeello kala duwan ay ka dhasheen duqeymahan, kuwaas oo gaaray ciidamada Jabuuti, haseyeeshe faafaahin rasmi ah lama helin.
Guutada Madaafiicda ee Xarakada Mujaahidiinta Al-Shabaab ayaa sii laba laabtey howlgallada duqeymaha ah ee ay ku garaaceyso saldhigyada ciidamada Shisheeyaha, dhawaan ayayna ahayd markii dhowr madfac ay ku rideen xerada Xalane, kuwaas oo ay ku dhaawacmeen labo sarkaal oo cadaan ah.
