Ciidamada Mujaahidiinta Jamaacada Nusratul Islaam Wal Muslimiin ee ka jihaada dalka Maali iyo dalalka dariska la ah ayaa saacadihii lasoo dhaafay fuliyay weeraro kala duwan oo ka kala dhacay dhowr dal.
Weerarka hore waxey ciidamada Mujaahidiinta ka fuliyeen dalka Niger kaasi oo faahfaahin laga helayo khasaaraha ka dhashay.
Weerarkan oo kamiin ah waxey ciidamada Mujaahidiinta U Gargaaridda Islaamka iyo Muslimiinta u dhigeen kolanyo ka tirsan ciidamada dowlada daba dhilifka Niger kuwaasi oo ku socdaalayay duleedka magaalada Tamo ee dhacda Xuduud beenaadka ay wadaagaan dalalka Niger iyo Burkina Faso.
Inta la xaqiijiyay waxey Mujaahidiinta weerarkaas dhabba galka ah ku dileen ugu yaraan Lix askari oo kuwa dowlada Niger waxeyna soo ganiimeysteen hub iyo gaadiid kala duwan.
Weerarka Labaad waxa uu ka dhacay gudaha dalka Burkina Faso waxa uu isagana ahaa mid kamiin ah oo loo dhigay kolanyo ka tirsan ciidamada xukuumada maqaar saarka ee Burkina Faso.
Kamiinkan waxa uu sigaar ah kaga dhacay magaalada Baana ee Waqooyi galbeed ee Burkina Faso, Waxeyna Mujaahidiinta weerarkaas ku dileen hal askari waxeyna soo ganiimeysteen hub iyo Mootooyin ay wateen kolanyada kamiinka loo dhigay.
Dhanka dalka Maali waxey ciidamada Mujaahidiinta ka fuliyeen ilaa Shan weerar oo isugu jira Kamaa’in, Qaraxyo iyo dagaallo toos ah, Waxeyna weeraradaas ku gubeen tiro gaadiid ah iyagoona ku dilay askar iyo saraakiil ka tirsan xukuumada Ridada Maali iyo kuwa isbaheysiga ee ku duulay dalkaas.
Mujaahidiinta Jamaacada Nusratul Islaam Wal Muslimiin ee ka Jihaada dalka Maali iyo dalalka dariska la ah ayaa ah Mujaahidiin ka tirsan Mujaahidiinta Al-qaacidah ee Faraca Bilaadul Magribil Islaam.
Calamada.com
