Wararka ka imaanaya Afghanistan ayaa sheegaya in dagaalyahannada Taliban ay weerar cagmarin ah ku qaadeen saldhig melleteri oo kuyaal Koonfurta wadankaasi, Afhayeen u hadlay xukuumadda Kaabuul ayaa sheegay in saldhigga laweeraray ay ku sugnaayeen 150 askari islamarkaana lagaarsiiyay khasaara lixaad leh.
Afhayeen u hadlay Xarakada Taliban ayaa ku goodiyay in ay sii wadayaan weerarada ka dhanka ah ciidamada xukuumadda inta laga dhameystirayo heshiiskii maxaabiis iswaydaarsiga ahaa ee labada dhinac ku heshiiyeen.
Warbixinno la aruuriyay ayaa sheegaya in Taliban ay sare uqaadday weerarada ka dhanka ah xukuumadda dabadhilifka Kaabuul, lagasoo bilaabo 10-kii bishii Maarso illaa 3,May 2020 ayay Taliban fulisay inkabadan 4500 oo weerar.
Wasaaradda Gaashaandhigga Mareykanka ayaa walaac ka muujisay weerarada ka imaanaya Taliban, Mareykanku wuxuu sheegay in uu diyaar uyahay fulinta qodobadii heshiiskii Dooxa balse ay ka walaacsanyihiin sida dardarta leh ee Taliban ay usii waddo gulufka ka dhanka ah xukuumadda fadhigeedu yahay magaalada Kaabuul.
