Dadka maalin walba Carona ugu dhimanaya gudaha Mareykanka ayaa sare usii kacaya, shalay oo kaliya waxaa Carona udhintay 2.333 qof American ah halka maanta ay dhinteen dad gaaraya 2,457 qof taas oo dhimashada guud ka dhigaysa 72,023 qof.
Daraasad uu sameeyay markaz caafimaad oo kuyaal magaalada Washington ayuu ku sheegay in dad gaaraya 100 Kun American ah ay udhiman karaan Carona Virus.
Dowladda Mareykanka ayaa kiiskii ugu horreeyay ee dhimasho Covid19 ah diiwaan gelisay 1,Feberaayo 2020, laba bilood gudahoodna dhimashadu waxay kor udhaaftay 72 kun oo ruux halka dadka cudurkan uu soo ritay ay hal miyan ka badanyihiin.
Donald Trump ayaa ku dhawaaqay in uu kala diray guddigii qaabilsanaa xal uhelidda cudurka Carona Virus taas oo ka dhigan in dowladda Mareykanka ay ku guuleysan waysay xakamaynta caabuqa Covid19.
Socdaalkiisi ugu horreeyay oo muddo Labo bilood kadib ah uu ku tagay meel ka baxsan Aqalka Cad ayuu Trump ku booqday warshad soo saarto maryaha Maaskada ah ee afka iyo sanka looga xirto Carona Virus.
Khudbad uu jeediyay ayuu ku sheegay in kala diray guddigii qaabilsanaa dhibaatada Carona wuxuuna ugu baaqay xukuumadiisa in ay dusha uridato xakameynta Carona Virus.
