Warar dheeraad ah ayaa laga helayaa weeraro culus oo ciidamada Mujaahidiinta ay ku qaadeen saldhigyo ciidan oo ku yaala deegaano kala dhaca duleedyada magaalooyinka Kismaayo iyo Baydhabo.
Dhanka duleedka Kismaayo Dagaal xooggan ayaa saaka aroortii hore ka dhacay deegaanka Baar Sanguuni halkaas oo ay saldhig weyn ku leeyihiin maleeshiyaadka Bangaraafta loo yaqaan ee Mareykanku tababaray.
Ilo wareedyo ayaa sheegaya in dagaalyahanada Al Shabaab ay gudaha ugaleen saldhigga Baar Sanguuni waxaana jira khasaara dhimasho iyo dhaawac ah oo ka dhashay dagaalkii saaka.
Dhanka kale ciidamada Mujaahidiinta waxey dagaal culus ku qaadeen saldhiga maleeshiyaatka Ridada ee deegaanka Goof-gaduud Buurey oo hoostaga magaalada Baydhabo.
Weerarkan ayaa sababay khasaara dhimasho iyo dhaawac ah oo soo gaartay maleeshiyaatka maamulka Ridada isku magacaabay Konfur Galbeed.
Ma ahan markii ugu horraysay oo weeraro xooggan ay la kulmaan saldhigyada Baar-sanguuni iyo Goog-gaduud Buurey ee duleedyada Baydhabo iyo Kismaayo.
