Wararka ka imaanaya dalka Swedan ee dhaca qaaradda Yurub ayaa sheegaya in gobollo ka tirsan dalkaasi ay ka dhaceen mudaaharaadyo waawayn oo looga soo horjeeday xagjiriin kirishtaan ah oo gubay kitaabka Qur’aanka Kariimka.
Kumannaan muslimiin ah oo ku dhaqan dalka Swedan ayaa bannaanbaxyo silmi ah ka dhigay magaalooyinka waawayn ee dalkaasi, ka dib markii gaalo xagjiriin ah ay si bareer ah u gubeen musxafka Qur’aanka Kariimka.
Muuqaallo laga soo qaaday magaalada Malmö ee dhacda koonfurta dalkaasi ayaa muujinayay Msulimiin qiiraysan oo ku dhawaaqayay erayo ay ku difaacayaan kitaabka Qur’aanka, waxaana erayada ka mid ahaa ‘‘ Nafteena ayaan u huraynaa Kitaabka Qur’aanka’’,.
Booliska waddanka Swedan ayaa awood u adeegsaday muslimiintii banaanbaxa ku difaacayay Kitaabka Qur’aanka Kariimka, waxaana ay bannaanbaxyaasha ku kala eryeen rassaas nool.
Isku soo baxyadan lagu waynaynayay Kitaabka Qur’aanka Kariimka waxa qayb wayn ka ahaa Soomaalida ku dhaqan dalka Swedan, Iyagoona soo bandhigay muuqaallo muujinayay sida ay mudaaharaadyadu u socdeen.
Dalalka dhacada qaaradda Yurub waxaa kusoo noqnoqda falalka guracan ee ka dhanka islaamka, taas oo marar badan oo hore sidan oo kale ay kooxo xagjireyaal nasaaro ah ugu gubeen musxafka Qur’aanka kariimka.
Calamada.com
