Wararka ka imaanaya bariga waddanka Afghanistaan ayaa sheegaya in deegaan ka tirsan gobolkaasi uu ka dhacay weerar askar lagu dilay gaadiid gaashaamanna looga gubay maleeshiyaadka xukuumadda Dabadhilifka ee Kaabul.
Weerarka oo ahaa mid xooggan waxay Mujaahidiinta Imaarada Islaamiga la eegteen kolonyo saraakiil ah oo ka tirsan maleeshiyaadka xukuumadda Ashraf ghaani xilli ay ku socdaalayeen duleedka degmada Yaxye Kheyl ee gobolka Paktiika, waxaana weerarkaasi ka dhashay khasaare kala duwan.
War rasmi ah oo kasoo baxay Mujaahidiinta Imaarada islaamiga Afghaanistaan ayaa lagu sheegay in weerar ay Mujaahidiintu ka fuliyeen deegaan hoos taga degmada Yaxye Kheyl lagu beegsaday kolonyo askar iyo saraakiil isugu jira, kuwaasi oo dhimasho iyo dhaawac ku noqday weerarka.
Warka kasoo baxay Mujaahidiinta Imaarada islaamiga ayaa sidoo kale lagu sheegay in ugu yaraan 8 askari oo uu ku jiray taliyihii amniga gobolka Paktika ee xukuumadda Ashraf Ghaani lagu dilay weerarka iyo dhaawac 5 kale. sidoo kalena lagu burburiyay 4 gaari oo ah nooca kuwa gaashaaman.
Mujaahidiinta Imaarada islaamiga Afghanistaan ayaa maalmihii u dambeeyay sare u qaaday howlgalladooda ka dhanka ah xukuumadda Ridada Kaabul, waxaana xusid mudan in Mujaahidiintu ay guulo la taaban karo kasoo hoyeen dagaalka jihaadka ee ka socda dalkaasi, iyagoo Maraykanka ku qasbay in uu ciidamadiisa kala baxo dhulka muslimka ah ee Afghanistan ka dib duullaankii 19 sannadood ka hor uu Maraykanku kusoo qaaday waddankaas.
Calamada.com
