Faahfaahinno dheeraad ah ayaa laga helayaa weeraro khasaare dhaliyay oo siyaabo kala duwan saacadihii lasoo dhaafay ay Mujaahidiintu uga fuliyeen deegaan ka tirsan gobolka Mandheera ee dhulka NFD.
Ciidamada Shabaabul Mujaahidiin ee ka howlgala gudaha Kenya ayaa weerar jidgal ah ku beegsaday kolonyo ciidamo Kenyaan ah xilli ay marayeen waddada xiriirisa deegaannada Dabaasiti iyo Harwaley ee gobolka NFD.
Ilo wareedyo ayaa sheegaya in weerarkaasi waxyeello culus uu kasoo gaaray gaari nooca Kooyalka loo yaqaan, waxaana sidoo kale dhimasho iyo dhaawac ku noqday qaar ka mid ah askartii gaarigaasi la socotay.
Isla gobolkaasi NFD waxay ciidamada Mujaahidiintu weerar kale la beegsadeen ciidamo kenyaan ah oo ku socdaalayay inta u dhaxayso deegaannada Lafeey iyo Ceel-waaq Kenya ee duleedka magaalada Mandheera.
Inta la ogyahay waxa weeraradaasi lagu dilay 1 askari iyo dhaawac 2 kale waxaana weerarkaasi lagu gubay gaari Koolyal ah oo ay lahaayeen ciidamada Kenya ee weerarka la kulmay.
Gobolka NFD waa mid ka mida meelaha sida aadka ah loogu dhiigbixiyo ciidamada shisheeyaha Kenya, waxana gobolkaasi ku hoos jira gumeysiga gaalada Kenya uu dhawaan marti geliyay weeraro askar badan looga dilay dowladda Kenya.
Calamada.com
M.a guul