Dagaalada culus ee u dhaxeeya dowlada federaalka ee Xabashida Itoobiya iyo maamulka Tigree ayaa galay bishii Labaad waxaana hogaanka dagaalka gacanta ku haya Tigree kuwaas oo dhawaan ku dhawaaqay iney bilaabeen dagaal jabhadeyn ah.
Wakaaladaha wararka caalamiga ah ayaa baahiyay in maanta dagaallo culus ay ka dhaceen gudaha magaalada Maqalle ee caasimadda gobalka Tigree ee waqooyga dalka Itoobiya.
Dagaaladan ayaa yimid kadib markii magaalada gudaha usoo galeen ciidanka Tigree kuwaasi oo si toos ah u beegsaday dagaalna ku qaaday saldhigyada iyo xarumaha ciidanka Abey axmed ay ka sameysteen magaaladaas.
Dagaalkan ka dhacay gudaha maqalla ayaa sababay khasaara kala duwan oo ay isku geysteen labada dhinaca walow ilaa iyo imika aan si rasmi ah loo xaqiijin karin inta uu la egyahay khasaaraha kadhashay dagaalka maanta ka dhacay gudaha magaalada Maqalle.
Dhanka kale dagaal culus aya ka dhacay afafka hore ee magaalada Aksum ee ay gacanta ku hayaan ciidanka Tigree waxeyna saraakiil u hadlay Tigreega sheegeen iney iska difaaceen weerar kaga yimid dhanka ciidanka dowlada federaalka Xabashida Itoobiya.
Sidoo kale Tigree waxey sheegeen in saddex-dii maalin ee u dambesay ay dagaaladii dhacay ku gubeen 11 gaari oo ah noocyada Taangiga kuwaas oo ay lahaayeen ciidanka Abay Axmed.
Dhanka kale maamulka Abey axmd ayaa sheegay iney gacanta ku dhigeen keyd hub ah oo Tigree ay ku lahaayeen gudaha magaalada Maqalla kuwaasi oo ah hub fara badan oo isugu jira noocyada kala duwan ee hubka.
Dhanka kale dowladda Suudaan ayaa sheegtay in ay gacanta ku dhigtay 50 askari itoobiyaan ah oo xuduudda soo jabsaday, melleteriga Suudaan wuxuu xaqiijiyay in ay dib uceliyeen illaa 50 askari itoobiyaan ah oo isugu jiray 31 melleteri ah,13 boolis ah, 5 askari canshuur qaadayaal ah iyo askari qaabilsanaa cunta karinta.
Ciidamadan ayaa iyagoo hubkooda wata xuduudda ka tallaabay markii uu u adkaaday dagaalka ay kula jiraan TPLF, hadda oo dib loogu gacan geliyay dowladdii ay katirsanaayeen ayaa lafilayaa in lamarsiiyo ciqaab adag oo dhanka ciidanka ah.
