Dagaalyahanno katirsan Al Shabaab ayaa saacadihii lasoo dhaafay howlgallo ballaaran ka fuliyay deegaanno dhowr ah oo katirsan dhulka Soomaalida NFD ee gumkeysiga Kenya kujira.
Wararka ka imaanaya gobolka Gaarisa ayaa sheegaya in dagaalyahannada Al Shabaab ay si buuxda ula wareegeen gacan ku haynta deegaanka Sedax Goose oo hoostaga degmada Lafeey.
Ilo wareedyo ayaa sheegaya in ciidamada booliska Kenya ay isaga firxadeen deegaanka mana dhicin wax iska hor’imaad hubaysan ah, saraakiil katirsan Al Shabaab ayaa goob fagaara ah kula hadlay dadka deegaanka waxayna ku booriyeen in ay ka fogaadaan xarumaha ciidanka Kenya.
Dhinaca kale ciidamada Al Shabaab ayaa howlgal burcad sifayn ah ka fuliyay deegaanno dhaca xuduud beenaadka ay wadaagaan Soomaaliya iyo Kenya, wararku waxay sheegayaan in maleeshiyaad dabadhilifyo ah oo ay tababartay xukuumadda Nairobi laga eryay deegaannada kala ah Deg caday iyo Aadan Santuur.
Sanadkaan sii dhammaanaya gudihiisa ayay xoogaga Al Shabaab tobanaan weeraro ah ka fuliyeen deegaanno dhowr ah oo katirsan dhulka Soomaalida NFD sida Wajeer,Mandheera,Gaarisa iyo deegaanno kale.
