Jugta qarax aad u xooggan ayaa maanta barqadii laga maqlay mid kamida xaafadaha degmada Kaaraan ee magaalada Muqdisho.
Wararka laga helayo wadada jidcaddaha ah ee xiriirisa isgoyska Fagax iyo xaafadda Jamhuuriyo ayaa sheegaya in halkaas uu ka dhacay qarax miino oo lala eegtay kolonyo gaadiid ah oo ay la socdeen ciidamada AMISOM.
Goobjoogayaal ayaa sheegay in qaraxa kadib ay ciidamada laweeraray rasaas culus ku fureen wadada hareeraheeda, illaa iyo hadda lama oga khasaaraha ka dhashay qaraxa.
Ugu yaraan hal gaari oo nuuca gaashaaman oo ay wateen ciidamada shisheeye ayaa la sheegay in waxyeello xooggan kasoo gaartay qaraxa.
