Warar dheeraad ah ayaa kasoo baxaya qarax xooggan oo maanta markale ka dhacay deegaan ku dhow degmada Balcad ee Sh/dhexe.
Wararka ka imaanaya Sh/dhexe ayaa sheegaya in qarax maanta gelinkii dambe ka dhacay deegaanka Gololeey uu sababay dhimashada sarkaal sare oo katirsanaa ciidanka melleteriga DF-ka.
Col. Yaasiin Cabdi Tooxow oo kamid ahaa taliyaasha ciidamada dowladda iyo Askari ilaala u ahaa ayaa ku dhintay qaraxa waxaana burburay gaari Cabdi Bile ah oo uu watay.
Wararka ayaa intaas ku daraya in 5 askari oo kamid ahaa ilaalada sarkaalka ay si xun ugu dhaawacmeen qaraxii maanta.
ilo wareedyo ayaa sheegaya in sarkaalka maanta dhintay uu shalay si dirqi ah uga badbaaday qarax lala eegtay balse maanta ayaa markale labeegsaday.
Xarakada Mujaahidiinta Al Shabaab ayaa sheegatay mas’uuliyadda weerarkan lagu dilay Col. Yaasiin Cabdi Tooxoow oo kamid ahaa saraakiisha ugu caansan ciidamada DF-ka ee ka howlgala Sh/dhexe iyo Bariga Muqdisho.
