Warar dheeraad ah ayaa kasoo baxaya qarax xooggan oo maanta barqadii ka dhacay mid kamida degmooyinka gobolka Banaadir.
Cabdi Maxamed Maxamuud (Fidacow) oo ahaa guddoomiya ku xigeenka degmada Dayniile ee arrimaha amniga iyo siyaasadda ayaa maanta lagu dilay gudaha degmadaasi.
War rasmi ah oo kasoo baxay Xarakada Mujaahidiinta Al Shabaab ayuu ku sheegtay mas’uuliyadda qaraxa lagu dilay mas’uulkan.
“Mujaahidiinta ayaa qarax Muqdisho ka dhacay ku dilay guddoomiye ku xigeenkii arrimaha amniga iyo siyaasadda maamulka kooxda Ridada ee degmada Dayniile” ayaa lagu yiri war ay baahisay Idaacadda Andalus.
Dilalka iyo qaraxyada lagu beegsanayo askarta iyo saraakiisha DF-ka ayaa kusii xoogeysanayay magaalada Muqdisho sedaxdii bilood ee lasoo dhaafay.
