Abiy Axmed oo ah R/wasaaraha dowladda Xabashida Itoobiya ayaa shaqada ka eryay wasiir iyo saraakiishii ugu sarraysay ciidamada xukuumaddiisa Afarmaalmood kadib markii uu dagaal ahli ah ka qarxay wadankaasi.
Wareegto qoraal ah oo kasoo baxday xafiiska R/wasaaraha ayaa lagu eryay wasiirkii arrimaha dibadda, taliyihii ciidamada Melleteriga iyo taliyihii sirdoonka waxaana lagu bedelay mas’uuliyiin kale.
Sidoo kale waxaa iscasilaad ku dhawaaqay madaxii maamulka ee ismaamul goboleedya Amxaarada, ilo wareedyo diblumaasiyadeed ayaa sheegaya in mas’uuliyiinta shaqada laga eryay ay saluugeen hanaanka uu Abiy uwajahayo colaadda cusub ee wadanku galay.
Dhinaca kale dagaallo culus ayaa lagasoo sheegayaa xuduudda ay wadaagaan gobollada Tigreega iyo Amxaarada, melleteriga Itoobiya ayaa kumanaan askari iyo maleeshiyaad hubaysan udaad gureeyay jiidda hore ee dagaalka.
Falanqeeyaashu waxay sheegayaan in dagaalka uu R/wasaaraha Itoobiya ku iclaamiyay ismaamul goboleedka Tigray uu sababi doono dagaal sokeeye oo ku fiday dhammaan gobollada wadanka ayna wiiqmi doonto Imbaaridooriyadda Xabashida ee awoodda ku leh geeska qaaradda Afrika.
