Maktabka warfaafinta ee Xarakada Mujaahidiinta Al-shabaab ayaa faafiyay warsaxaafadeed kasoo baxay taliska ciidanka, kaasi oo lagu faahfaahiyay dagaallo culus oo maanta ka dhacay wilaayada Mudug, kuwaas oo wayn loogu laayay murtadiinta.
Taliska ciidanka mujaahidiinta ayaa sheegay in dagaalladaan ay mujaahidiintu kaga hortageen maleeshiyo murtadiin ah oo doonayay inay dhaqdhaqaaqyo ashahaada la dirirnimo ah ka sameeyaan deegaannada u dhexeeya degmada Bacaadweyn iyo magaalada Wisil, halkaas na murtadiinta looga dilay 58 askari, loogana dhaawacy 71 kale, waxaana maleeshiyaadka dhintay ka mid ahaa taliyihii haystay maleeshiyaadka la weeraray Kornayl Cali Naasir Cabdi Faarax.
Warsaxaafadeedka taliska ciidanka waxaa lagu yiri” Ciidamada Mujaahidiintu waxay maanta oo Arbaco ah dagaal culus la galeen cadawga murtadiinta ah ee ay saliibiyiintu u soo wakiisheen la dagaalanka ku dhaqanka shareecada Islaamka ee Wilaayada Islaamiga ah ee Mudug ee bartamaha Soomaaliya.
Dagaalka ayaa ka dhacay deegaanka Gaadday ee duleedka magaalada Wisil, halkaas oo ay ciidamada Mujaahidiintu kaga hortageen maleeshiyaat murtadiin ah oo damacsanaa inay falal ashahaado la dirirnimo ah ka soo fuliyaan deegaanada u dhexeeya degmada Bacaadweyne iyo magaalada Wisil.
Mujaahidiinta oo si dhow ula socday dhaqdhaqaaqa cadawga ayaa waxay – Allah fadligiis – dagaal socday muddo saacado ah kadib, jab lixaad leh u geysteen maleeshiyadii murtadiinta ahaa, waxaana jira khasaare dhimasho iyo dhaawac oo cadawga soo gaaray. Sidoo kale waxaa jira gaadiid, hub iyo saanad ciidan oo laga qaniimaystay murtadiinta.
Tirada dhimashada ee gaartay murtadiinta, inta aan ilaa hada xaqiijinay, waa 58 murtad, kuwaas oo ay ku jiraan saraakiil muhiim u ahaa cadawga. Dhaawaca cadawgu waa 71 murtad. Saraakiisha lagu dilay dagaalka waxaa kamid ah Kornayl Calinaasir Cabdi Faarax, oo ahaa taliyihii hogaaminayay
maleeshiyada murtadiinta ah ee maanta lagu jebiyay dagaallka Mudug, waxaana maydadka isaga iyo 14 kamid ah mooriyaantiisa looga cararay fagaaraha dagaalka.
Mujaahidiintu waxay – Allah fadligiis – qaniimaysteen saddex (3) kamid ah gaadiidkii ay cadawgu wateen, kuwaas oo qaarkood ay yihiin gaadiidka dagaalka ee loo yaqaano Tiknikada.
Wixii faahfaahin intaas ka badan dib ayaan kasoo gudbin doonaa insha-Allah.
Halkan Ka Degso Bayaanka Oo PDF Ah.
