Tafaasiil dheeraad ah ayaa laga helayaa weeraro isugu jiray qaraxyo iyo weerar jidgal ah oo ay galabta Mujaahidiintu la beegsadeen kolonyo ciidamo Itoobiyaan ah oo ku socdaalayay inta u dhaxayso degmada Baydhaba iyo deegaanka Daynuunaay ee wilaayada Baay.
Qaraxyada oo gaarayay illaa labo qarax waxaa la xaqiijiyay inay si wanaagsan u haleeleen kolonyada, waxaana xigay weerar kammiin ah oo khasaare baaxad leh lagu gaarsiiyay saliibiyiinta xabashida, khasaaraha dhimasho inta la hubo waa 10 askari oo Itoobiyaan ah halka sidoo kale ay ku dhaawacmeen 4 kale.
10-ka askari ee lagu dilay qaraxyada iyo weerarka kammiinka ah ee ka dhacay duleedka magaalada Baydhaba waxaa ku jiray sarkaal miine baare ah oo ka mid ahaa saraakiisha xabashida, waxayna Mujaahidiintu sidoo kale howlgalkan ku gubeen gaari nooca ciidanka ximbaara ee loo yaqaan Uuraalka.
