Wararka ka imaanaya dalka Afghanistan waxey sheegayaan in saacadihii lasoo dhaafay ciidamada Mujaahidiinta Imaarada Islaamiga Afghanistan si buuxda ula wareegeen labo degmo istiraatiiji ah oo kala dhaca Bartamaha iyo Waqooyga Afghanistan.
Labadan degmo ayaa lagu kala magacaabaa Lawlash iyo Taywara oo ka kala tirsan gobalada Faryab iyo Gowr ee dalka Afghanistan.
Dagaaladii cuslaay ee ciidamada Mujaahidiinta Imaarada Islaamiga Afghanistan ay ku qabsadeen labadan degmo ee istiraatiijiga ah waxaa dhimasho iyo dhaawac ku noqday Lix Boqol Konton iyo Siddeed askar iyo saraakiil gabi ahaantooda ah kuwa maamulka daba dhilifka Kaabul.
Dhanka kale ciidamada Difaaca Cirka Imaarada Islaamiga Afghanistan waxey saacadihii lasoo dhaafay dhulka soo dhigeen Saddex Diyaaradood oo noocyada dagaalka ah kuwaasi oo lagu kala soo riday Bartamaha iyo Waqooyga dalkaasi.
Labo ka mid ah diyaaradahan oo lagu soo kala riday agagaarka garoonka diyaaradaha Bagram ee gobalka Barwan iyo duleedka magaalada Khan Abaad ee gobalka Qunduuz waxaa iska leh ciidamada Nasaarada Mareykanka.
Soo riditaanka Labadaan diyaaradood waxaa sidoo kale dhimasho iyo dhaawac ku noqday saraakiil iyo askar American ah oo la socday diyaaradahaasi.
Diyaarada Sadexaad waxaa iska leh maamulka daba dhilifka Kaabul waxaana lagu soo riday duleedka degmada Taywara oo ka tirsan gobalka Gowr ee bartamaha dalka Afghanistan.
Diyaaradan xilligii lasoo ridayay waxey ku howlaneed duqeyn ay ka waday degmada Taywara oo maalintii shalay ay si buuxda ula wareegeen ciidamada Mujaahidiinta Imaarada Islamaiga Afghanistan.
Diyaaradahaan lagu soo kala riday Waqooyga iyo Bartamaha Afghanistan waxey isugu jiraan labo Elecobtar ah iyo mid Rakaab ah oo askarta iyo sahayda ay ku qaataan ciidamada Nasaarada Mareykanka.
Dhanka kale war rasmi ah oo kasoo baxay afhayeenka Imaarada Islaamiga Afghanistan Sheekh Dabiixullaahi Mujaahid Allaah ha dhorwa waxaa lagu cadeeyay in saacadihii lasoo dhaafay inka badan Labo Kun ruux oo qoysas Muslimiin ah kuna dhaqan deegaano ka tir gobalka Gowr iyagoo wata hubkooda ay si toos ah ugu biireen ciidamada Mujaahidiinta waxey Beyco kula galeen amiirul Mu’miniin Sheekh Heybatullaah Xafidahullaah difaaca diinta Islaamka iyo la dagaalanka gaalada soo duushay iyo kuwa dabo dhilifka ah ee garab siinayo Americanka ku duulay dalkaasi.
Calamada.com
