Mid ka mid ah diyaaradaha duuliye la’aanta wax basaasta ayaa kusoo dhacday deegaan ka tirsan gobalka Shabeelada hoose,iyadoona xog dheeraad ah laga helayo diyaaradaasi.
Wararka imaanaya deegaanka Mubaarak ayaa sheegaya in duleedka deegaankaasi diyaarad nuuca wax basaasa ah ay soo dhacday waxaana gacanta ku dhigay ciidamada Xisbada mujaahidiinta.
Saraakiil katirsan Xarakada Al Shabaab oo ku sugan Shabeelaha Hoose ayaa warbaahinta u sheegay in diyaaraddu ay kusoo dhacday dhul beereed xili ay howllo basaasnimo ku heysa shacabka muslimiinta deegaanka.
Wararka ayaa intaasi ku daraya in ciidamada mujaahidiintu ay gacanta ku dhigeen burburka diyaaraddan oo loo malaynayo in ay leedahay dowladda Mareykanka ee sida tooska ah ugu lugta leh duullaanka lagusoo qaaday dalka Soomaaliya, ciidamo katirsan Al Shabaabayaa ayaa gacanta ku dhigay diyaaradan waxayna ula dhaqaaqeen goob amni ah.
Goob joogayaal ayaa sheegay in diyaaradda soo dhacday ay ku xiranyihiin Kaamirooyinka wax basaasa.
Diyaaradaha wax duqeeya ee aan duuliyaha laheyn iyo kuwa wax basaasa ayaa maalmihii lasoo dhaafay lagu arkayay iyagoo dul heehaabaya deegaanno katirsan gobolka Sh/hoose oo Al Shabaab ay maamusho.
Ciidamada Mareykanka oo ay wehliyaan maleeshiyaad Soomaali ah ayaa dhowr mar weeraro dad lagu xasuuqay ka fuliyay deegaanno ku teedsan wabiga shabelle ee gobolka Sh/Hoose.
