ciidamada Mujaahidiintu waxay xalay dagaallo culus oo toos ah ku qaadeen saldhigyo iyo fariisimo ciidan oo maleeshiyaadka kooxda Riddada Soomaaliya ay kaga suganyihiin deegaaanno dhaca wilaayaadka Banaadir, Jubbooyinka Iyo Sh/hoose.
Howlgalka hore oo ahaa dagaal toos ah waxay Mujaahidiintu ku qaadeen fariisinka maleeshiyaadka Riddada ay ka deganyihiin dhismaha Cali Agoon xaafadda Suuqa xoolaha ee degmada Heliwaa ee magaalada Muqdisho, lama helin xog ku aadan khasaaraha dagaalkaasi ka dhashay.
Dhanka wilaayada Jubbooyinka waxay ciidamada Mujaahidiintu weerar culus ku mireen saldhig ay ciidamada Kenya ku leeyihiin deegaanka Taabto, waxaana halkaasi ka dhacay dagaal xooggan oo la isku adeegsaday hubka noocyadiisa kala duwan.
Shabeellada hoosena waxaa lagu weeraray saldhigyada ciidamada kuffaarta Afrikaanta gaar ahaan kuwa Yugaandha ay kaga suganyihiin deegaannada kala ah Shalanbood, Danow iyo Buurcolow oo dhammaantood hoos taga gobolka Sh/hoose.
Howlgalladan ka kala dhacay wilaayaadka Banaadir, Jubbooyinka Sh/hoose waxay qayb ka yihiin howlgallada jihaadiga ah ee ay ciidamada Mujaahidiintu ka wadaan deegaammada ay saliibiyiinta iyo dabadhilifyadooda murtadiinta kaga suganyihiin wilaayaadka dhaca koonfurta iyo bartamaha Soomaaliya.
