Xarunta wazaaradda maaliyadda ee kooxda Riddada Somalia, waxaa ka dhacay khilaaf sababay gacan ka hadal dhexmaray masuuliyiin ka tirsan wazaaradaasi.
Gacan ka hadalkan ayaa gelinkii dambe ee shalay dhexmaray waziir ku xigeenka wazaaradda maaliyadda ee kooxda Riddada, murtad Cabdiqafaar Xaange iyo agaasimaha dakhliga wazaaradaas murtad Faysal Xaashi.
Khilaafka labadan masuul ee keenay gacan ka hadalka, ayaa la sheegay in uu salka ku hayo qaybsiga dhaqaalaha kasoo xarooda shirkad gaar loo leeyahay oo ay ku wareejiyeen soo xaraynta dakhliga gudaha.
Ismariwaaga ku aaddan qaybsiga dhaqaalahaasi ayaa lasoo wariyay in uu keenay in gudaha dhismaha wazaaradda ay feer isula dhacaan labadan masuul oo ka wada tirsan wazaarada maaliyadda kooxda Riddada.
Waxaa xusid mudan in Feysal Xaashi oo kooxdan ugu magacaaban agaasimaha dakhliga wazaaradda maaliyadda in uu yahay nin ay aad isugu dhowyihiin Xassan murtad madaxa kooxda Riddada, dartiis na xilka uu ku waayay wasiirkii hore ee wazaaraddaasi Cilmi Nuur, kaddib markii ay isku qabteen isla arintan qaybsiga dhaqaalaha baadda ay uga soo qaadaan dadka Soomaaliyeed.
Toddobaadkii tagay ayay ahayd markii sidan oo kale uu degmada Maxaas ee bariga Hiiraan gacan ka hadal ku dhexmaray laba sarkaal oo ka tirsan murtadiinta, kuwaas oo isku mari waayay shir uga uga socday degmadaasi.
