Warar dheeraad ah ayaa kasoo baxaya weerar khasaara badan lagu gaarsiiyay ciidamada booliska Kenya oo ka dhacay deegaan kala qeybiya gobollada Gaarisa iyo Laamu.
Weerarka oo ahaa mid jidgal ah ayay dagaalyahanno Katirsan Xarakada Al Shabaab waxay u dhigeen askar iyo saraakiil katirsan Booliska oo kasoo amba baxay gobolka Lamu kunasii jeeday dhanka Gaarisa sida lagu xaqiijiyay war kasoo baxay taliska ciidanka Xarakada SHM.
Sheekh C/Caziiz Abuu Muscab Afhayeenka ciidanka Shabaabul Mujaahidiin ayaa idaacadda Andalus u sheegay in 5 sarkaal ay ku dileen weerarka islamarkaana ay gubeen gaari Cabdi Bile Kooyal ah oo kusii jeeday dhanka Gaarisa.
“Mujaahidiintu shalay howlgal guuleystay ayay ka fuliyeen gudaha dhulalka Musliminta Kenya gumeysato, weerar dhabagal ah oo ka dhacay inta u dhaxaysa gobollada Lamu iyo Gaarisa waxaa lagu dilay 5 sarkaal oo katirsan Booliska dowladda Kaafiradda Kenya,Alle Mahaddii mujaahidiintu qori Baasuukaha ayay laheleen gaari Kooyal ah halkaas ayuuna ku gubtay” ayuu yiri warka kasoo baxay Al Shabaab.
Wararka ayaa intaasi ku daraya in Al Shabaab ay gacanta ku dhigeen 4 qori gacmeed oo 3 kamida ay ahaayeen qoryaha Faalalka loo yaqaan ee ay caan ku yihiin ciidamada Booliska iyo Melleteriga Kenya.
Meydadka ciidamada Kenya ee weerarka lagu dilay iyo gaarigii laga gubay ayaa lagu arkay dhulkii lagu dagaallamay, waa weerarkii ugu khasaaraha badnaa ee dowladda Kenya ay kala kulantay Xarakada SHM tan iyo markii mar labaad madaxweyne loo doortay Uhuru Kenyatta.
