Madaxweynaha dowladda Eritrea, isaias afwerki, ayaa maanta gaaray caasimadda dalka Masar ee Al-qaahira, halkaas oo uu si diiran ugu soo dhaweeyay dhiggiisa dalkaasi, Cabdi fataax Al-siisi.
Al-siisi iyo dhiggiisa Eritrea, Afwerki, ayaa ka wada hadlay xiriirka ka dhaxeeya labada dal iyo xaaladda cakiran ee ka taagan badda Cas, sida lagu sheegay war kasoo baxay madaxtooyada Masar.
War-saxaafadeedka kasoo baxay madaxtooyada Al-qaahira, ayaa lagu sheegay in labada hogaamiye ay sidoo kale ka wadahadleen, xaaladda bariga qaaradda Afrika, iyagoo sheegeen inay isku raaceen inay taageerayaan madaxbannaanida dhuleed ee dalka Somalia, waxayna muujiyeen inay kasoo horjeedaan dhaqdhaqaaqyada dowladda Itoobiya ee ku wajahan xeebaha Soomaaliya.
Al-qaahira, waxay sidoo kale bayaankeeda ku sheegtay, in labada hoggaamiye ay ka wada hadleen colaadda ka taagan Suudaan, waxayna sidoo kale sheegeen in intii uu wadahadalku socday ay labada dhinac xoogga saareen sii wadidda xiriirka wadajirka ah ee Masar iyo Ereteria,si loo soo afjaro colaadda Suudaan ka taagan.
Booqashada afwerki ee dalka Masar, ayaa kusoo beegmaysa, xilli xaaladda Itoobiya, Masar iyo Erirea ay tahay mid cakiran, Itoobiyana ay si cad u sheegtay inay duullaan ku tahay Somalia iyo Eritrea, si ay u hesho marin badeed caalami ah po ay dunida kale kula macaamisho, wallow ay taasi si wayn u diideen dadka Soomaaliyeed.
