Maxkamadda ku dhaqanka Shareecada islaamka ee Wilaayada Jubbooyinka ayaa xukun xaddu ridda ah waxay ku fuliysay labo askari oo katirsanaa ciidamada maamulka Jubbaland, kuwaas oo lagu soo qabtay dagaalkii ka dhacay Baar Sanguuni.
Mid kamid ah Qudaada Xarakada Mujaahidiinta Al-Shabaab ayaa fagaaraha ka sheegay xukunka ay leeyihiin labada ruux oo midi ay haweeney ahayd.
Labada Askari waxaa lagu soo qabtay dagaalkii bishii hore ay ciidamo katirsan Xarakada Mujaahidiinta Al-Shabaab ku qaadeen deegaanka Baar Sanguuni, halkaas oo lagu dilay ciidamo badan oo katirsan kuwa maamulka Jubbaland.
Isla fagaaraha waxaa sidoo kale xukun qisaas ah lagula fuliyay gacan ku dhiigle horey fal dil ah u geystay dad muslimiin aan waxba galabsan.
Maxamuud Cabdi Abshir oo ku magac dheeraa (Madaxeey) islamarkaana jira 32 sano ayaa lagu toogtay fagaaraha, kadib markii ehellada qofkii uu horey u dilay ay dalbeen in loo qisaaso, iskana diideen iney qaataan diyo.
Maxaakiimta ku dhaqanka Shareecada islaamka ee Wilaayaadka ayaa had iyo goor fuliya xukuno sharci ah oo loo cuskuday diinta Islaamka.
