Warar faahfaahsan ayaa kasoo baxaya dil saacadihii lasoo dhaafay ka dhacay magaalada Gabilay ee dhacda gobolka waqooyi galbeed Soomaaliya ee uu ka arrimiyo maamul goboleedka ashahaada la dirirka ah ee Somaliland.
Dilkan ayaa ka dhacay meel aan ka fogayn jaamacad lagu magacaabo Tima-cadde oo kutaal magaaladaasi, waxaana halkaas lagu khaarajiyay askari ka tirsanaa maleeshiyaadka maamulka Riddada Somaliland, gaar ahaanna kuwa Booliiska.
Askariga lagu dilay Gabiley ayaa magaciisa lagu sheegay Buux Ismaaciil Mire, waxaana dilkaasi lagu tuhmay nin Bajaajle ah oo ay is qabteen askarigaasi la dilay, sida ay sheegeen dad u dhow askarigan.
Mid ka mida ardayda dhigata jaamacadda nawaaxigeeda lagu dilay askariga ayaa sheegay in ninkaasi ku wargeliyay in ay is hayaan nin Bajaale ah, isla markaana uu doonayay in uu xiro, saacad kaddibna uu dilku dhacay.
Masuul u hadlay maamul goboleedka ashahaada la dirirka ah ee Somaliland, ayaa sheegay inay ku daba jiraan ninka lagu tuhmayo dilka askariga, mana ahan dhacdadii koowaad ee lagu dilo sarkaal ama askari ka tirsanaa maamul goboleedka Riddada Somaliland.
Bishii July 2024, ayay ahayd markii sarkaal ka tirsanaa booliska Riddada ee Somaliland uu askari hubeysan ku dilay deegaanka Xariirad ee dhaca gobolka Awdal, 20-kii Maarso 2023, ayuu gudaha magaalada Hargaysa qof hubeysani ku dilay askari Booliis ah oo ka tirsanaa maamulkaasi.
