Wararka ka imaanaya gobalka Bakool waxey sheegayaan in maleeshiyaatka dowlada Ridada ay rasaas ooda uga qaadeen gaari Hoomey ah oo ay la socdeen dad shacab ah kaasi oo ka baxay deegaanka Buurdhuxulle ee duleedka degmada Waajid.
Maleeshiyaatka dowlada ayaa gaariga ku rasaaseeyay agagaarka Tuulada Kulan jareer oo u dhaxeysa degmooyinka Xudur iyo Waajid,waxeyna rasaastaasi sababtay khasaara dhimasho iyo dhaawac ah oo soo gaartay dadka shacabka.
Inta la xaqiijiyay rasaastaasi waxaa ku dhintay Saddex Ruux oo ay ku jirta Gabar yar oo Sideed Jir ah,waxaana ku dhaawacmay Todobo ruux oo gabi ahaantooda ahaa Haween ama Dumar.
Maleeshiyaatka Murtadiinta ayaa sidoo kale dhac baahsan u geystay gaariga iyagoona ka qaatay hantadii ay wateen dadkaasi shacabka Musaafiriinta ah,waxa uu Gaariga Rakaabka ah kusii jeeday magaalada Baydhabo ee xarunta gobalka Baay.
Calamada.com
