Maamul goboleedka ashahaada la dirirka ah ee Jubaland ayaa ku dhawaaqay inay ku fashilmeen dagaalka ka dhanka ah shareecada islaamka ee maleeshiyada maamulkaasi iyo kuwa dowladda Riddada ay ka wadeen qaybo ka mid ah Jubbada hoose.
Warsaxaafadeed kasoo baxay maamulka ashahaada la dirirka ah ee la magac baxay Jubbaland oo looga hadlayay wareegto kasoo baxday shirkii muddo kordhinta loogu sameeyay saddex ka mid ah madaxda maamul goboleedyada Riddada, ayuu maamulkan sheegay in uu fashilmay olole dagaalkeedka ka dhanka ah shareecada islaamka ee ay ku jireen.
Bayaanka maamulka Riddada Axmed Madoobe kasoo baxay ayaa lagu xaqiijiyay in maleeshiyo huwan ah oo isugu jira kuwa maamulkaasi iyo kuwa kooxda Riddada ee magaalada caasimada ee Muqdisho laga keenay ay si dhamaystiran ugu fashilmeen waxay ugu yeereen wajiga labaad ee dagaalka ka dhanka ah shareecada islaamka, deegaanno ay duullaan ku tageena ay dib kaga baxeen.
Dhinaca kale, maamulkan uu madaxa ka yahay murtad Axmed madoobe ayaa ka si wayn uga hor yimid mudo kordhin loo sameeyay madaxda maamullada Riddada ah ee Koonfur-galbeed, Hirshabeelle iyo Galmudug, kuwaas oo mudo kordhin hal sano ah loogu sameeyay shirkii uu isaga baxay madaxa maamulkaasi.
Maamulka ashahaada la dirirka ah ee Puntland, ayaa dhankiisa si wayn uga hor-yimid go’aamada kasoo baxay shirkii Muqdisho ugu soo gagaboobay qaar ka mid ah madaxda maamullada ashahaada la dirirka ah iyo kuwa kooxda Riddada Somalia ee lagu go’aamiyay muddo kordhin hal sano ah.
Wasiirka wasaaradda warfaafinta maamulkaasi uu fadhigiisu yahay Garowe, murtad Maxamuud Caydiid Dirir, ayaa waraysi uu bixiyay ku sheegay in go’aammada kasoo baxay murtad Gurguurte iyo kuwa kale ay yihiin kuwa riyo ah, maamulkiisana uu si wayn uga soo horjeedo, wuxuuna ku celiyay in ay si madax bannaan ula macaamili doonaan dowladaha kale ee caalamka.
Warcelinnada maamullada Puntland iyo Jubbaland ayaa kusoo beegmaya xilli madax hore xilal uga soo qabtay kooxda Ridada ah sida Maxamed C/llaahi Farmaajo, shariif Sh Axmed iyo ra’iisul wasaarihii hore ee Riddada Xasan Cali Khayre iyo siyaasiyiin kale ay uga soo horjeesteen muddo kordhinta halka sano ee loo sameeyay qaar ka mid ah madaxda maamulka goboleedyada reer galbeedku ka dhisteen Soomaaliya.
