Madxaweyne ku xigeenka dalka Kenya ninka lagu Magacaabo Rigathi Gachagua, ayaa la kulmay xil ka qaadis tariikhi ah kadib markii baarlamaanka dalkaas uu si aqlabiyada ah ugu codeeyay in xilka laga qaado.
Madaxweyna ku xigeenka ayaa lagu eedeeyay dambiyo waaween oo ay ka mid yihiin hanti aruursi sharci darro ah iyo hurin nacayb qabiileed, sida uu sheegay guddoomiyaha baarlamaanka dalkaas Ninka lagu magacaabo Moses wetangula.
Moses Wetangula, guddoomiyaha baarlamaanka, ayaa yiri”natiijada mooshinka ee aan shaacinay ayaa muujinayso in 281 mudane, oo ka badan saddex-meelood laba xubnaha golaha, in ay taageereen mooshinka xil ka qaadista.”
281 Xildhibaan oo ka tirsan aqalka hoose ee dalka kenya ayaa u codeeyay in xilka laga qaado qaado Gachagua iyadoo 44-na ay diideen. Hoggaamiyaha aqlabiyadda baarlamaanka, ninka lagu magacaabo Kimani Ichung’wah, ayaa isna sheegay in siyaasiga 59 jirka ah uu “jebiyay sideed qodob oo dastuurka ah. isagoo ku tilmaamay madaxeyne ku xigeenka mid “khatar ku yahay midnimada dalka kenya”.
Gachagua, isagoo ka jawaabaya eedaymaha loosoo jeediyay, ayaa ku adkaystay inuu yahay mid daacad ah, isagoo iska fogeeyay dacwadaha lagusoo eedeeyay, kuwaas oo ay ka mid yihiin boob hanti dad-weyne iyo kicinta qabiilo. “Waan dagaalami doonaa ilaa dhamaadka,” ayuu kuyiri shir jaraa’id oo uu qabtay ka hor intaanan la guda galin mooshinka.
Aqalka saree e dalka kenya ayaa goordhaw dhageysan doona dacwadaha lagu soo oogay madaxweyna- ku xigeenka dalkaas iyagoo la filayo inay meel mariyaan xil ka qaadistaas.
Madaxweynaha dalka Kenya William Ruto oo lagu eedeeyay in uu ka dambeeyo xil ka qaadistan ayaan wali ka hadlin arintan.
