Xilli uu faraha ka baxay boobka hantiyeed ee ay gaysanayaan madaxda kooxda Riddada Soomaaliya ee ka dhanka ah ganacsatada, gaadiidleyda iyo sidoo kale qaybaha kala duwan ee bulshada ku dhaqan caasimadda, ayay markale cabasho muujiyeen wadeyaasha bajaajta ee ka howlgala magaalada Muqdisho.
Bajaajleyda ka howlgala caasimadda oo maanta warbaahinta kula hadlay waddooyinka Muqdisho ayaa sheegay in kooxda Riddada ee uu madaxa u yahay murtad Gurguurte ay soo rogtay lacago cusub oo baad ah, taas oo ay ku doonayso inay ka qaado wadeyaasha mooto bajaajta.
Waxay sheegeen haddii ay yihiin gaadiidleyda bajaajta ee caasimadda ka howlgala ay noqdeen mashruuc ay lacag ka samaysato kooxda RIddada ee fadhigeedu yahay Muqdisho, mar walbana keento qorshe lacago badan looga dhacayo, wixii ay socotaba waxay sheegeen in markan loo keenay amar ah inay bixiyaan lacag dhan 200 oo Dollar.
Wadeyaasha bajaajta oo sii hadlayay, waxay sheegeen inaysan awoodin bixinta lacagtaasi baadda ah, waxay sidoo kale sheegeen inay taasi usii dheertahay handadaadda iyo dilalka joogtada ah.
Maamulka Xassan murtad ayaa tan iyo markii uu xafiiska ugu sarreeya ee dowladda Riddada dib ugu soo laabtay kordhiyay dhaca iyo boobka hantida Soomaaliyeed, haddii ay ahaan lahayd mid caam ah iyo mid gaar loo leeyahay, waxaa taasi u dheer baadda uu ka qaado ganacsatada, gaadiidka dadweynaha iyo sidoo kale lacagaha taleefannada gacanta la isugu diro.
