Murtad Yuusuf Xuseen Axmed (Gama’diid) oo ka mid ah xubnaha golaha dawaaqiidda kooxda Riddada Soomaaliya, ayaa bixiyay macluumaad ku aaddan boobka dhaqaale ee ay kooxda Ridada ee murtad Gurguurte ka wado caasimadda.
Xildhibaankan ayaa madal uu dadweyne kula hadlayay ka sheegay in dhaca hantida shacabka uu shaqo maalmeed ka noqday caasimadda Muqdisho, wuxuu sheegay in dhaca uu hadda marayo heer madaxda Riddada ay samaysteen shirkado gaar ah oo ka badan 30, kuwaas oo ujeedkoodu yahay inay usoo uruuriyaan lacagaha baadda ah ee dadka rayidka ah laga qaado.
Wuxuu intaas ku daray in lacagahaasi baadda ay dhamaan ku dhacaan akoonno gaar ah oo aysan ku dhicin qasanada dowladda, shirkadahaasi gaarka loo leeyahayna la dhigay meel kasta oo suuqa caasimada ka mid ah, cadaymana uu ka hayo.
Ganacsatada ka howlgasha Muqdisho ayuu sheegay in kooxda Riddadu ay kusoo rogtay lacago ka badan dakhliga soo gala, taasoo keentay sicir barar daran iyo sidoo kale in dhaqaale yari soo wajahdo ganacsatada.
Bajaajleyda caasimadda ayuu sidoo kale sheegay in dowladda Riddada ah ay kusoo rogtay lacago badan oo dul-saar ah, dhibaato xoogan ayuu sheegay in gaadiileydu ku wajahayaan Xamar, isagoo intaas ku daray in dhibaatada ugu daran ee hadda haysata gaadiileyda ay tahay in laga rabo buugga lahaanshiyaha gaadiidka oo ah mid ah kooxda Riddadu ku doonayso inay kula wareegto gaadiidka dadka shacabka ah, maadaama gaadiidleydu baabuurta dayn ahaan uga soo qaataan bankiyada kuyaal magaalada Muqdisho, lahaanshiyaha gaarigana looga reebto bankiga, inta lacagta baabuur ka bixinayaana uu buuga yaalo bankiga.
