Kooxo burcad Kenyaan ah, ayaa dilal iyo dhibaatooyin kale ka gaysanaya magaalooyin ka tirsan dhulka NFD ee ku hoos jira gumeysiga saliibiyiinta Kenya.
Bulshada ku dhaqan magaalada Wajeer, waxay warbaahinta u sheegeen in burcad hubeysan oo ka yimid ismaamullada kale ee Kenya ay weeraro aan kala joogsi lahayn ku hayaan dadka ku dhaqan magaalada, iyaga oo si gaar ah u beegsanaya ganacsatada.
Axaddii, waxay kooxaha hubeysan ee burcadda ah goob kaalin shidaal ah ku dileen qof Soomaali ah oo halkaasi ka howlgalayay, si nabad galyo ah ayayna dilka kadib goobta uga baxsadeen iyadoo aysan jirin wax tallaabo ah oo ay qaadeen ciidanka booliska saliibiyiinta Kenya.
Waxgaradka Wajeer oo dhacdadan ka hadlay waxay sheegeen in burcadda ay gacan ka helayaan dad Soomaali ah, kuwaas oo u fududeynaya dilalka iyo dhibaatooyinka ay ku kacayaan, sidoo kale laamaha ammaanka ee dowladda saliibiyadda Kenya ayay eedayn u jeediyeen.
Dilkan gudaha Wajeer ee dhulka (NFD) loogu gaystay qofkan shacabka ah, ayaa kusoo beegmaya xilli toddobaadyo ka hor dil bareer ah oo ka dhacay isla magaaladaasi lagu dilay laba xubnood oo ganacsato Soomaali ah, ciidamada Ammaanka ee Kenya ayaana kaalin wayn ku leh dilalkaan iyo sidoo kale afduubyo maalmihii u dambeeyay lagula kacay dadka shacab ah ee ku dhaqan dhulka NFD ee ku hoos jira gumeysiga xukuumadda kaafiradda ah ee Nairobi.
