Warar dheeraad ah ayaa kasoo baxaya howlgal ballaaran oo ciidamo katirsan Xarakada Al Shabaab ay ka fuliyeen deegaan katirsan gobolka Shabeelaha dhexe.
Saaka aroortii hore ayay ciidamo aad u hubeysan oo katirsan Xarakada Al Shabaab waxay weerar xooggan ku qaadeen saldhig ay maleeshiyaadka maamulka Hirshabelle ku lahaayeen deegaanka Ceelmuluq ee ku dhow degmada Cadale oo dhacda xeebta gobolka Sh/dhexe.
Goob joogayaal ayaa warbaahinta u sheegay in dagaal daqiiqado socday kadib ay ciidamada Al Shabaab la wareegeen gacan ku heynta deegaanka, Meydadka Sedax askari oo lagu dilay dagaalkii saaka ayaa lagu arkay gudaha deegaanka Ceelmuluq.
Warara ayaa intaas ku daraya in duleedka deegaanka lagu dagaallamay ay ku firxadeen ciidamadii maamulka Hirshabeelle waxaana lafilan karaa in saacad walba khasaaruhu sii kordho sababa laxiriira dhaawacyada qaar oo ah kuwa garaab ah.
