Kolonyo katirsan ciidamada shisheeyaha AMISOM ayaa qarax aad uxooggan lagula beegsaday mid kamida xaafadaha magaalada caasimadda ah ee Muqdisho.
Jugta qarax xooggan ayaa saaka aroortii laga maqlay xaafadda Jamhuuriyo ee degmada Kaaraan, dadka deegaanka ayaa sheegay in qaraxu uu haleelay gaari gaashaaman oo kamid ahaa kolonyada ciidamada shisheeye.
Qaraxu wuxuu si gaar ah uga dhacay inta udhaxaysa isgoyska Fagax iyo halka loo yaqaan Masjidka Turkiga, dadka deegaanka ayaa sheegay in qaraxa kadib ay ciidamada shisheeye rasaas oodda uga qaadeen goob ay dad shacab ah ku sugnaayeen.
Ciidamada AMISOM ayaa la arkayay iyagoo rasaasta ka dhacda qoryaha Dabajeexa iyo Dhashiikaha ku garaacaya dadka shacabka ah waxaana lasoo sheegayaa khasaare dhimasho iyo dhaawac leh.
