Guutada qaraxyada xarakada Mujaahidiinta Al-shabaab ee ka howlgala wilaayada shabeellaha hoose ayaa maanta qaraxyo waawayn la eegtay ciidamo huwan ah oo isugu jiray Ameerikaan iyo maleeshiyaadka Baangaraafta xilli ay marayeen deegaanka Mubaarak ee wilaayada Shabeellaha hoose.
Sida aan xogta ku helayno waxay qaraxyadaan haleeleen kolonyo ciidamo Ameerikaan ah oo ku socdaalayay deegaanka Mubaarak waxaana lagu soo waramayaa in qaraxyadaasi khasaare kala duwan ay kasoo gaareen ciidamada huwanta Ameerikaanka iyo maleeshiyaadka Ridada Baangaraafta ee uu Maraykanku soo tabobaray.
Dadka deegaanku waxay sheegayaan inay maqlayeen jugta qaraxyo culus oo lala eegtay ciidamao huwan ah oo ka kooban Maraykanka Iyo dabadhilifyadooda gaarka ah inkastoo aan si rasmi ah loo ogayn inta uu gaarsiisan yahay khasaaraha weerarkaasi ka dhashay.
Deegaanka Mubaarak ee gobolka shabeellaha hoose waxa dhowr jeer oo hore sidan oo kale uga dhacay dagaallo iyo qaraxyo askar iyo saraakiil looga dilay ciidamada saliibiyiinta Maraykanka ee duullaanka ku jooga waddanka.
Calamada.com
