Ciidamada xabashida ee gacanta ku haya garoonka diyaaradaha magaalada Garbahaarey ee xarunta gobolka Gedo, ayaa maanta is hortaag ku sameeyay diyaarad millatari oo sidday wafdi ka socday kooxda Riddada Soomaaliya iyo masuuliyiin kale, taasi oo kasoo kicitantay magaalada Muqdisho.
Diyaaradda waxaa lasoo wariyay inay sidday wafdi ka socday xafiiska ra’iisul wasaaraha kooxda Riddada, murtad Xamze Cabdi Barre iyo masuuliyiin kale oo ka tirsan maamulka Riddada gobolka Gedo ee taabacsan kooxda Xassan Gurguurte.
Saraakiisha ciidanka Itoobiya ayaa taliskooda Baydhaba u sheegay inaysan damaanad qaadi Karin amniga wafdiga kooxda Riddada soo diray ee maanta la doonayay in laga dajiyo Garbahaarey, maamulka Axmed Madoobe wasiir u hadlay ayaa tilmaamay inay iyagu is hortaag ku sameeyeen wafdiga maanta lagu waday in uu ka dego Garbahaarey.
Wasiirka wazaaradda arrimaha gudaha maamulka Axmed Madoobe murtadka lagu magacaabo Maxammed Oogle ayaa madal uu ka hadlayay ka sheegay in wafdigaas ay ku guuleysteen inay ka celiyaan Garbahaarey, waxa uu intaas ku daray in ujeedka wafdiga ka socday murtadiinta Muqdisho uu ahaa inay doorasho ka dhan ah maamulkiisa ku qabtaan magaaladaasi.
Waziirka u hadlay maamulka Kismaayo ayaa sheegay in diyaaradda maanta laga celiyay xarun goboleedka Gedo ay tahay mid ay leeyihiin ciidanka Atmis ee kuffaarta ah, ayna soo kiraysatay kooxda Riddada.
Dhanka kale wazaaradda amniga maamulkaasi ayaa warsaxaafadeed ay soo saartay digniin ugu dirtay hayadaha urur gaaleedka Qaramada midoobay iyo ciidanka ATMIS, si gaar ahna in diyaaradahooda loo adeegsado waxay ugu yeertay qalqalgelinta doorashooyinka ay wataan.
Kooxda Riddada Somalia ayaa dhankeeda maanta si adag uga hadashay iska hor’imaad maanta ka dhacay Kismaayo oo u dhaxeeyay ilaalada musharax ay wadato dowladda Riddada, kaas oo lagu magacaabo Ilyaas Gaboose iyo sidoo kale maleeshiyada Axmed Madoobe, kaasi oo ka dhacay aagga Hotel Agan ee Kismaayo.
Murtad Fartaag oo ugu magacaaban kooxda Gurguurte wasiirka amniga ayaa shir jaraa’id oo uu qabtay ku sheegay in Axmed Madoobe uu weeraray Ilyaas Gaboose, dhimasho iyo dhaawana ay ka dhasheen weerarka uu qaaday, waxa uu ka digay in maleeshiyada maamulkaasi loo adeegsado siyaasadda.
