Xiisad xooggan ayaa ka dhalatay dil wardareed ay ciidamo ka tirsan dowladda Kenya u gaysteen shan qof oo beerallay Kenyaati ah, dilkan ayaana ka dhacay agagaagrka deegaanka Barrack Moi ee ka tirsan Eldoret.
Warar kala duwan oo soo baxay ayaa sheegaya in saraakiil ka tirsan KDF-ta Kenya ay toogteen shan qof oo Kenyaan ah, kuwaas oo dalagga gallayda ka garunayay dhul beereed kuyaal aagga deegaanka Barrack Moi.
Dadka Kenyaanka ah ee la dilay ayaa lagu sheegay inay da’doodu u dhaxayso 18 ilaa 25 jir, kuwaas oo xilliga la dilayay ku mashquulsanaa guridda dalagyada sida ay soo sheegeen dad goobjoogeyaal ah.
Xildhibaan ka tirsan ismaamulka ayaa sheegay in dadkaasi ay si ula kac ah u dileen ciidanka KDF-ta Kenya, waxayna soo jeedisay in dowladda Kenya looga baahan yahay inay ehellada dadkaasi magdhow ka siiso dadka ay ka dishay.
Arrintan ayaa xiisad xooggan ka dhex abuurtay dadka deegaanka iyo ciidanka Kenya, khilaafka ayaana salka ku haya lahaanshiyaha dhul-beeraadka, sannadkii 2021-kii ayay ahayd markii ciidanka Kenya ay sidan oo kale laba qof oo beerallay ah ugu dileen isla deegaankan, kaddib markii ciidanka iyo dadka deegaanka ay isku qabteen lahaanshiyaha dhul beereed dhan 9,000 oo Hecter
