Maleeshiyaadka maamulka gumeystaha Yahuudda ayaa qirtay in sarkaal iyo dhowr askari oo ka tirsan ciidamada wazaaradda gaashaandhigga looga dilay howlgallada iska caabinta ah ay wadaan kooxaha Falastiiniyiinta ee ka socda marinka Gaza.
Taliska ciidanka Yahuudda ayaa Talaadada maanta ah soo saaray war uu ku qirayo in sarkaal sare iyo 2 askari looga dilay dagaalladii ugu dambeeyay ee ay la galeen kooxaha muqaawamada, waxay sidoo kale sheegeen in dagaaladaas dhaawacyo halis ah ku noqdeen afar askari oo uu ku jiro sarkaal sare.
Qiraalka ciidanka Yahuudda ayaa khasaaraha guud inta ay qirteen tan iyo markii uu billowday howlgalka Duufaanta Al-aqsaa waxay dhimashada saraakiishooda ciidan iyo askartooda ka dhigaygaa 406 askari.
Shalay ayay ahayd markii maamulka gumeystuhu qirtay in saddex askari looga dlay iska caabin adag oo ay kala kulmeen dhanka kooxaha muqaawamada, kuwaas oo ka dhacay waqooyiga iyo bartamaha Gaza, halkaas oo sidoo kale looga dhaawacay mid afaraad oo dhaawiciisu ahaa mid halis ah.
