Khasaare lixaad leh ayaa ka dhashay roobab dabaylo wata oo ka da’ay gobolka Tennessee ee waddanka Maraykanka, halkaas oo ay ka dhasheen khasaare lixaad leh oo isugu jira mid nafeed iyo burbur hantiyeed oo aad u xooggan.
Masuuliyiin ka tirsan dowladda Maraykanka oo ka hadlayay xaaladdan cusub ee kasoo korortay roobabka ayaa sheegay in roobabkan mahiigaanka ah gallaafteen nolasha lix qof oo Ameerikaan ah, kuwaas oo sidoo kale sababay burbur xooggan oo soo gaaray guryaha iyo koronto la’aan baahsan.
Ilo wareedyo maxalli ah ayaa sheegay in saddex qof oo ka mid ah dadka dhintay ay ku nafwaayeen xaafadda dhacda waqooyiga magaalada Nashville, oo ah xarun goboleedka gobolkan oo kuyaal koonfur-bari ee Maraykanka.
Muuqaallo iyo sawirro lagu faafiyay baraha internet-ka ayaa muujinayay geedo waawayn oo ay soo rujiyeen daadadka ka dhashay fatahaadaha iyo burbur aad ubaahsan oo soo gaaray guryaha.
