Channelka wararka ee Al-kataa’ib ayaa caawa baahiyay muuqaal la daawan karo muddo ka badan 22 daqiiqo oo lagu soo bandhigayo banaanbixii ballaarnaa ee shalay gilgilay degmada Jilib ee wilaayada islaamiga ah ee Jubbooyinka, kaas oo dadka muslimiinta ah ay ku muujinayeen sida ay u diiddan yihiin damaca xabashida Itoobiya ee ku aaddan inay qaadato xeebaha Soomaaliya ee uu siiyay murtad Muuse Biixi.
Isku soo baxa oo ah mid aad u ballaaran ayuu Kataa’ib Akhbaariyah kusoo bandhigaya kalimaad koob-kooban oo ay fagaaraha Ash-shahiid Macallin Aadan Xaashi Ceyrow ka jeediyeen culimaa’udiinka wilaayaadka islaamiga ah oo uu ka mid yahay Sheekh Aadan Cabdiraxmaan Warsame (Aadan Sunne), waxgaradka iyo qaybaha kala duwan ee dadka halkaasi isugu soo baxay, waxayna culimada iyo waxgaradka goobta ka hadlay farriimo adag u dirayaan nasaarada xabashida, sidoo kalena waxay baaqyo muhiim ah u dirayaan dadka muslimiinta ah ee Soomaaliyeed.
Sheekh Aadan Sunne ayaa kalimaddiisa dadka ku dhaqan gobollada waqooyi ee Soomaaliya, gaar ahaan reer Sheekh Isxaaq ugu diray farriimo muhiim ah, isagoo dareensiiyay inay haystaan umadda soomaaliyeed ee muslimiinta ah oo la garab taagan inay kala hortagaan xabashida, wuxuuna ugu baaqay inay iska dulqaadaan ceebta dul-hoganaysa ee uu u keenay Muuse Amxaar, oo aysan agoon u noqon nasaarada Xabashida.
