Maamulka gumeystaha Yahuudda ayaa ku dhawaaqay go’doon rasmi ah oo uu kusoo rogay magaalada Al-khaliil ee dhacda daanta galbeed ee Falastiin, kddib markii meel u dhow magaaladaasi maanta lagu beegsaday dad Yahuud ah.
Taliska maleeshiyaadka Yahuudd ayaa shaaciyay in Al-khaliil ay tahay aag melleteri oo si rasmi ah u xiran, waxayna durbadii maleeshiyaadkooda ku amreen inay xiraan dhammaan waddooyinka soo gala iyo kuwa ka baxa magaaladan iyo magaalooyinka kale ee ku xeeran.
Taliskan ayaa sidoo kale isku soo uruuriyay ciidamo xooggan oo ka mid ah kuwa u qaabilsan sugidda ammaanka ee mustowdiniintooda, kuwaasi oo lagu duubalay aaggii maanta camaliyaddu ka dhacday ee lagu beegsaday Yahuudda, si ay uga qayb qaataan weerarka ka dhanka ah dadka muslimiinta.
Howlgalkan walaaca xooggan ku beeray Yahuudda oo maanta ka dhacay meel aan ka fogayn magaalada Al-khalil ee koonfurta daanta galbeed ayaa dilay haweenay 40 jir ah oo ka mid ahayd mustowdhiniinta Yahuudda ee xoogga lagu dajiyay daanta galbeed, halka uu sidoo kale ku dhaawacmay saygeeda oo lasoo wariyay in dhaawiciisu yahay mid aad u culus.
Sawirro iyo muuqaallo lagu faafiyay baraha Internet-ka ayaa muujinayay maleeshiyaadka maamulka Yahuudda oo isku gadaamay goobta lagu beegsaday mustowdhiniintooda iyo ciidamo xooggan oo lagu soo daabulay aagga, si ay usoo qabtaan weeraryahanka oo si nabad ah weerarka ka dib goobta uga baxsaday, iyo inay ka qayb qaataan xisaarka ay kusoo rogeen magaalada.
Waziiro iyo saraakiil ka tirsan maamulka Yahuudda ayaa sidoo kale gaaray goobta uu weerarku ka dhacay, kuwaas oo wajiyadooda laga dheehan karo argagaxa ay ka qaadeen beegsiga ba’an ee lagu hayo Yahuudda ay xoogga ugu deegaameeyeen daanta galbeed.
Hoos Ka Daawo Sawirrada.
