Kooxaha muqaawamada Falastiin ayaa shaaciyay inay fashiliyeen isku day ciidanka Yahuuddu ku doonayeen inay kusoo furtaan askari maxbuus ah oo gacanta ugu jira kooxaha wax iska caabinta Falastiiniyiinta, ee dagaalka adag kula jira Yahuudda sida xoogga ah lagu dajiyay deegaannada muslimiinta.
Kooxaha muqaawamadu waxa ay soo saareen warbixin ay la socdaan muuqaallo iyo sawirro cadaymo ah oo muujinaya sida dagaalyahanada kooxaha wax iska caabinta Falastiin u fashiliyeen isku dayga ciidanka Yahuudda.
Warbixinta kooxaha wax iska caabinta waxaa lagu sheegay in la fashiliyay weerarka ay ciidamada Yahuudu kusoo qaadeen goobta uu ku xirnaa maxbuus askari Yahuudi ah, kaasi oo lagu magacaabi jiray Saacir Baruukh oo 24 sano jir ah, waxayna intaas ku dareen in si adag looga hortagay isku dayga cadowga.
Muuqaalkan waxay kooxaha wax iska caabintu kusoo bandhigeen bakhtiga askariga Yahuudiga ah oo ku baxay gacanta ciidamada halganka adag kula jira Yahuudda iyo goobta ay weerarka kusoo qaadeen ciidanka suhyuniyiinta ah, kuwaas oo doonayay inay furtaan askariga oo Nool, marka toogashada maxbuuska laga soo tago waxaa dhanka ciidanka soo weerar tagay ee Yahuudda ah soo gaaray khasaare isugu jira dhimasho iyo dhaawac.
Waxa la daawan karaa raadadka fashilka iyo guul-darada ee ay goobta kaga tageen maleeshiyaadkii Yahuudda ee sameeyay isku daygaasi, dhiigga ciidamadii doonayay inay furtaan askariga Yahuudiga ayaa si wayn u buuxdhaafiyay guriga uu ku xirnaa maxbuuskaasi, sidoo kale waxaa la arki karaa agabyada ay ka carareen ciidamada gumeystaha iyo hubka looga furtay howlgalkaasi la fashiliyay.
Horudhaca muuqaalka ay faafiyeen kooxaha wax iska caabinta Falastiin waxaa lagu daawan karaa askariga lagu dilay howlgalkan fashilmay ee ay ciidanka Yahuuddu ku doonayeen inay kusoo furteen, waxaana askarigaasi uu sheegay in uu ka mid ahaa dadka 7-dii Octoober laga qabtay deegaanka Bi’ri, muddo 40 maalmood ahna uu ku jiro gacanta muqaawamada, uuna doonayay inuu dib ugu laabto gurigiisa, blasé ay ciidamada Yahuuddu isku dayeen inay xoog ku furtaan balse la fashiliyay lana dilay isaga iyo dhowr askari.
Hoos Ka Daawo Muuqaalka.
https://twitter.com/ShehabAgency/status/1733195905283600807
Ama Hoos Ka Daawo Sawirrada.
