Inta la hubiyay 5 qof ayaa ku dhaawacmay, gaadiid iyo hanti fara badanna way ku basbeeleen, kaddib dab xooggan oo saacadihii lasoo dhaafay ka kacay xarun Geerish oo gaadiidka lagu farsameeyo, oo kutaal magaalada Kismaayo ee xarunta Jubbada hoose.
Dabka ayaa lasoo wariyay in uu si gaar ah uga kacay geerish kuyaal xaafadda Fii-afmadow ee magaalada Kismaayo, waxaana uu dabka basbeeliyay ugu yaraan saddex gaari oo mid ka mid ah la sheegay in uu rarnaa, sida ay sheegeen dad goobjoogeyaal ah.
Mulkiileyaasha gaadiidka iyo qaar ka mida dadkii goobjoogga u ahaa dhacdadan, waxay sheegeen in shilka uu yimid, kaddib markii uu dab ka kacay mid ka mid ah gaadiidkii yiillay geerishka, taas oo keentay in dabka uu fido, gaadiid iyo dadna uu waxyeello gaarsiiyo.
Ma jirin wax gurmad ah oo uu dadka rayidka ah usoo sameeyay maamulka Riddada ah ee Axmed Madoobe, waxayna dadka deegaanku soo sheegeen inay iyagu isku gurmadeen, oo ay ugu dambayn ku guuleysteen inay gacmahooda ku bakhtiiyaan dadbkaasi.
